12 қазанда Қатар Әмірі шейх Тамим бен Хамад Әл-Танидің Астана қаласына мемлекеттік сапары өтті.
Сапар барысында Қатар Әмірінің Қазақстан Президенті Қасым-Жомарт Тоқаевпен кездесті. Келіссөздерде өзекті өңірлік және халықаралық мәселелер бойынша пікір алмасып, тараптар екіжақты инвестициялық және сауда-экономикалық ынтымақтастықтың перспективалары талқыланды.
Президент Қасым-Жомарт Тоқаев Қазақстанға мемлекеттік сапармен келген Қатар Әмірі шейх Тәмим бен Хамад Әл Тәниге Қазақстан Республикасының ең жоғары мемлекеттік наградасы – «Алтын Қыран» орденін табыс етті.
Орден табыстау рәсімінде Мемлекет басшысы Қатар Әмірінің халық алдындағы абырой-беделін, ел басқару ісіндегі даналығы мен ерекше тұлғалық қасиеттерін, әлемдегі бейбітшілікті сақтауға және тұрақтылықты қамтамасыз етуге қосқан зор үлесін атап өтті.
Келіссөздерден кейін мемлекеттер басшылары маңызды деген 12 құжатқа қол қойды:
1. Қазақстан Республикасының Үкіметі мен Қатар Мемлекетінің Үкіметі арасындағы Дипломатиялық және арнайы паспорт иелерін виза талаптарынан босату туралы келісімге өзгерістер енгізу туралы хаттама;
2. Қазақстан Республикасының Үкіметі мен Қатар Мемлекетінің Үкіметі арасындағы Инвестицияларды ынталандыру және өзара қорғау туралы келісім;
3. Қазақстан Республикасының Ғылым және жоғары білім министрлігі мен Қатар Мемлекетінің Білім және жоғары білім министрлігінің арасындағы жоғары білім саласы және ғылыми зерттеулер бойынша ынтымақтастық туралы келісім;
4. Астана қаласының әкімдігі мен Доха қаласының муниципалитеті арасында бауырластық қарым-қатынас орнату туралы келісім;
5. Қазақстан Республикасының Сауда және интеграция министрлігі мен Қатар Мемлекетінің Сауда және индустрия министрлігі арасындағы сауда саласындағы өзара түсіністік туралы меморандум;
6. Қазақстан Республикасының Үкіметі мен Қатар Мемлекетінің Үкіметі арасында денсаулық сақтау саласындағы өзара ынтымақтастық мәселелері бойынша өзара түсіністік туралы келісім;
7. Қазақстан Республикасының Ауыл шаруашылығы министрлігі мен Қатар Мемлекетінің Муниципалитет министрлігі арасындағы ауыл шаруашылығы саласы бойынша ынтымақтастық туралы меморандум;
8. Қазақстан Республикасы Сауда және интеграция министрілігінің Метрология және стандарттау институты мен Қатар Мемлекетінің Стандарттау бас ұйымы арасындағы өзара түсіністік және ынтымақтастық туралы меморандум;
9. Қазақстан Республикасының Мәдениет және спорт министрлігі мен Қатар Мемлекетінің Спорт және жастар министрлігі арасындағы спорт саласы бойынша 2023-2025 жылдарға арналған алғашқы атқарушы бағдарлама;
10. Қазақстан Республикасының Мәдениет және спорт министрлігі мен Қатар Мемлекетінің Мәдениет министрлігі арасындағы мәдениет және өнер саласындағы 2023-2025 жылдарға арналған бағдарлама;
11. Қазақстан Республикасының Мәдениет және спорт министрлігі мен Қатар Мемлекетінің туризм жөніндегі ұлттық кеңесі арасындағы туризм саласы және маркетинг шаралары бойынша өзара түсіністік және ынтымақтастық туралы меморандум.
12. Қазақстан Республикасының Президенті жанындағы Мемлекеттік басқару академиясы мен Қатар Мемлекеті Сыртқы істер министрлігінің Дипломатия институты арасындағы дипломаттарды даярлау жөніндегі ынтымақтастық туралы меморандум.
Сапар аясында екі елдің ірі компанияларының қатысуымен инвестициялық форум өтеді.
Бұған қоса, Қатар Әмірі 13 қазанда Азиядағы өзара іс-қимыл және сенім шаралары жөніндегі VI саммитке қатысады.
Айта кету керек, Қатар әлемдегі ең бай ел. Мұндағы халықтың өмір сүру деңгейі әлемдегі ең жоғары. Бұл көрсеткіш жан басына шаққандағы ЖІӨ көмегімен бағаланады. 2022 жылы Катарда бұл көрсеткіш бір адамға шамамен 128 мың долларды құрады. Әлемдегі қай ел әлі де осындай экономикалық көрсеткіштермен мақтана алады? Салыстыру үшін, өте гүлденген Ұлыбританияда жан басына шаққандағы ЖІӨ 31000 мың фунтқа әрең жетеді. Айтпақшы, Қазақстанда бар болғаны 8800 мың АҚШ доллары.
