Бұл бастама №1 Қалалық клиникалық аурухана мен “ізгілік жарысайық”қайырымдылық қоры арасында жасалған екіжақты меморандум аясында өтуде.
Күндізгі ауруханада екі күн ішінде дәрігерлер 100 ұлға тегін операция жасайды.
Бірінші күні жас пациенттер көп болды. Ата – аналар мойындады: тегін сүндеттеу-көп балалы, аз қамтылған отбасыларға үлкен көмек. Мәселен, Шымкент қаласының тұрғыны Фатима Мұсаева сүндетке отырғызуға бес немере әкелді. Егде жастағы әйел мұндай игі іске өте қуанышты екенін айтты, өйткені операция ақылы және құны 10 мың теңгеден басталады.
“Қайырымдылық акциясы аясында 100 анаға кеңес беріледі. Бұл диагностикалық қызметтер, манипуляциялар, тар мамандардың кеңестері. Балалар үшін амбулаториялық хирургия ретінде күндізгі стационарда сүндеттеу операциясы жүргізіледі”, – деді Шымкент қаласы Денсаулық сақтау басқармасы басшысының орынбасары Айгүл Бекбауова.
Сүндеттеу операцияларынан басқа, кішкентай пациенттердің аналары тегін диагностикалық тексерулер мен тар мамандардан кеңес ала алады.
Естеріңізге сала кетейік, “ізгілік жарысайық” қоры 2017 жылдан бері жұмыс істейді және көп балалы аналарға, асыраушысынан айырылған отбасыларға, ерекше қажеттіліктері бар адамдар мен зейнеткерлерге көмектеседі. Сондай – ақ, құрылтайшылар-достары Мұхтар, Асхат және Руслан-өздерінің әлеуметтік дүкені мен тігін шеберханасын ашты. Онда мұқтаж отбасылардан шыққан әйелдер үйде жұмыс істей алатындай және өздерін қамтамасыз ете алатындай етіп тігуге үйретіледі. Қор мұқтаж отбасыларды барлық қол жетімді тәсілдермен қолдайды – мысалы, әлеуметтік көмек пен қайырымдылық, тұрғын үйге ақша жинау арқылы. Ұйым үнемі игі істер акцияларын өткізеді, оған барлық тілек білдірушілер қосылады. Өткен жылы Шымкент полицейлері қайырымдылық акциясына қатысып, Рамазан айында асыраушыларынан айырылған 86 отбасына азық-түлік себеттерін әкелді.
