2023 жылғы 14 қаңтарға ҚР Парламенті Сенатының депутаттарын сайлау тағайындалды

Тоқаев Сенатқа сайлау күнін белгілеп, бірқатар Жарлықтарға қол қойды, олардың арасында:

–Қазақстан Республикасының ауылдық аумақтарын дамытудың 2023-2027 жылдарға арналған тұжырымдамасы туралы;

–Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі шаралар туралы;

– Заңсыз шығарылған активтерді мемлекетке қайтару жөніндегі шаралар туралы;

– 2023 жылғы 14 қаңтарға ҚР Парламенті Сенаты депутаттарының сайлауын тағайындау туралы;

– ҚР жоғары аудиторлық палатасының кейбір мәселелері туралы;

Қазақстан Республикасының Президентіне тікелей бағынатын және есеп беретін мемлекеттік органдардың басшылары туралы; 

Астана, Алматы, Шымкент қалаларының және облыстардың әкімдері туралы. 

Естеріңізге сала кетейік, бұл ретте 50 депутаттың 10 парламентшісін Президенттің өзі тағайындайды. Сондай-ақ, Астана, Алматы, Шымкент және облыстардың әкімдері, сондай-ақ Президентке тікелей бағынатын және есеп беретін мемлекеттік органдардың басшылары Президент ұлықталғаннан кейін міндетін атқарушы мәртебесіне ауысқаны белгілі болды.

Тиісті жарлықтарға Тоқаев қол қойды.