Үкімет отырысында негізгі әлеуметтік-экономикалық реформаларды жүргізуді қамтамасыз ету жөнінде нақты міндеттер талқыланды.
Ұлттық экономика министрі Әлібек Қуантыров Үкімет отырысында баяндама жасай отырып, ведомство Президенттің тапсырмаларын орындау шеңберінде жұмыс жүргізетін 3 негізгі бағытты белгіледі.
Жаңа экономикалық саясат;
Нақты секторды дамыту;
Мемлекеттік басқаруды қайта жүктеу.
Өздеріңіз білетіндей, қазіргі уақытта коммуналдық желілердің тозуы шамамен 60% -. құрады, оның ішінде электр энергетикасы, сумен жабдықтау, су бұру бойынша. Осыған байланысты табиғи монополиялар саласында нақты реформалар қажет.
Табиғи монополиялар саласын реттеудің мүлдем жаңа тұжырымдамасы — “инвестицияларға айырбастау тарифі”ұсынылады. Осы реформа аясында мыналар ұсынылады:
– мүлік иелері есебінен салаға инвестицияларды ұлғайту;
-табиғи монополиялар және қоғамдық маңызы бар нарықтар саласы қызметкерлерінің жалақы деңгейін арттыру;
– табиғи монополиялар саласына озық инновацияларды енгізуді ынталандыру арқылы одан әрі реттеуді жүзеге асыру;
– табыстың белгілі бір үлесін сақтай отырып, мүлік иелерінің шығындар үлесін қайта бөлу есебінен инвестициялық салымдарды ұлғайту;
– тұтынушылар топтары арасындағы тарифтер деңгейін теңестіру есебінен тарифтерді айқас субсидиялаудан БІРТІНДЕП БАС ТАРТУ;
– желілердің тозу көрсеткіштерін қысқарту.
Фискалдық реттеуді қайта жүктеу мақсатында 2023 жылы салықтық әкімшілендіруді түбегейлі қайта қарауды, салық міндеттемелерін орындау рәсімдерін цифрландыруды көздейтін жаңа Салық кодексінің жобасы әзірленетін болады.
“Сондай — ақ, салық ставкаларын саралау, пайданы қайта инвестициялау кезінде корпоративтік табыс салығын төмендету, арнайы салық режимдерін оңайлату, бөлшек салықты қолдануды кеңейту,” сән-салтанат салығын “енгізу бойынша жұмыстар жүргізілетін болады”, – деді Әлібек Қуантыров.
Қазіргі уақытта 2030 жылға дейінгі салық саясатының тұжырымдамасын әзірлеу бойынша жұмыстар жүргізілуде. Қабылдау мерзімі ағымдағы жылдың соңына дейін жоспарланған. Тұжырымдамаға енгізілген тәсілдер жаңа Салық кодексінің негізі болады.
