Шымкенттегі «Жүрек» орталығында жылдан жылға жоғары технологиялық оталар саны артып келеді. Мәселен, былтыр медицина орталығында 555 науқастың жүрегіне ашық түрде ота жасалған.

Қала әкімдігінің мәліметінше, бұл көрсеткіш алдыңғы жылмен салыстырғанда 100 адамға артық. Сондай-ақ былтыр тамыз айында кардиология бағыты бойынша медициналық ұйымда ахуалдық орталық ашылған болатын.

Ахуалдық орталық кардиология саласындағы мамандандырылған қызметтердің жұмысына жедел мониторинг жүргізіп, емдеу жұмыстарын жақсартуға мүмкіндік берді. Бұл бағытта 44 амбулатория мен 3 ауруханада кардиологиялық кабинеттер ашылды.

Осыған дейін мұнда созылмалы жүрек аурына шалдыққан 8 науқасқа LVAC аппаратын орнату операциясы жасалған. Бұрын мұндай опрерациялар тек Астана қаласында жасалатын.