Ақтөбеде жұрттың жағасын ұстатқан қанды оқиға бойынша күдікті ұсталды. ҚР ІІМ Криминалдық полиция департаментінің үйлестіруімен тергеушілер мен жедел қызметкерлерінің еңбегінің нәтижесінде күдікті бейнебақылау камераларының көмегімен анықталған. Ол тұрғын үйдегі пәтерге кіріп, қарақшылық шабуыл жасаған. Зорлық-зомбылық көрсету арқылы екі адамды өлтірген.
«Күдікті ретінде 23 жастағы жергілікті тұрғын ұсталды. Ол қылмыс жасағанын мойындады. Күдікті қамауға алдынды. Тергеу жалғасып жатыр. ҚР ҚПК-нің 201-бабына сәйкес тергеліп жатқан қылмыстық іс бойынша өзге де ақпарат таратылуға жатпайды» делінген ІІМ мәліметінде.
Айта кетсек, 29 наурыз күні Ақтөбе қаласындағы көпқабатты үйдің пәтерлерінің бірінен әйел мен оның кәмелетке толмаған ұлының мәйіті табылған болатын. Ал оның 13 жасар қызы ауыр жарақаттарымен облыстық балалар ауруханасының жан сақтау бөліміне жатқызылды.
