561
Түркістан облысы Кентау қаласында 58 адам астан уланып, ауруханаға түсті. Бұл туралы еліміздің бас мемлекеттік санитар дәрігері Айжан Есмағамбетова мәлімдеді.
Науқастар қоғамдық тамақтану орнынан жылдам дайындалатын тағамдарды тұтынған. Оқиға 27 маусымда болған.
Уланған 58 адамның 27-сі балалар. Барлығы дәрігерлер бақылауында. Мамандар тағамнан уланғандар саны бұдан да көп болуы мүмкін екенін жоққа шығармайды. Қазіргі таңда қоғамдық тамақтану орнына жоспардан тыс тексеру басталды.
