Екібастұздағы автогаз құю бекетіндегі өрт сөндірілді. Өкінішке орай бір адам қайтыс болды.
ТЖМ мәліметінше, газ құйылған 4 резервуар өртеніп кеткен. Сондай-ақ оқиға орнында шамамен 40 газ баллон болған.
Өрт жақын маңдағы “Феруза”азық-түлік дүкеніне өтіп, шамамен 200 шаршы метр аумақтағы шатыр мен 20 шаршы метр аумақтағы су мұнарасының шатыры өртенді.
Сағат 15:22-де цистернаның жанынан жас ер адамның денесі табылды. Әзірге оның аты-жөні белгісіз.
«Өрт 15:00-де оқшаулауланып, 15:44-те сөндірілді. Оқиғаның мән-жайы анықталуда. Жеке сектор жолдың арғы жағында 100 м-ден астам қашықтықта орналасқан. Тұрғындарды эвакуациялау жүргізілген жоқ» деп хабарлады ведомстводан.
Бұған дейін Екібастұзда автогаз құю бекеті өртеніп жатқаны туралы жазған болатынбыз.
