392
Алматыда жанар-жағармай тиеген жүк көлігі отқа оранды. Оқиға Түрксіб ауданы Бұрындай көшесіндегі жанармай құю станциясының маңында болған. Жүргізуші көлікті қауіпсіз орынға айдап үлгерген.
Қалалық ТЖД хабарлауынша, өрт түскі сағат 11:14-те шыққан. Өрт сөндірушілер оқиға орнына дереу жеткенде ГАЗ 47-532 112 жүк автокөлігі жанып жатқан. Қызыл жалынды сөндіруге 13 адам, 2 техника жұмылдырылған. Өрт сөндірушілер жанып жатқан көліктен сегіз бөшкені эвакуациялады, оның үшеуі жанармайға толы болған. Қызыл жалын 11:35-те сөндірілді.
