Қостанай облысында балаларды тасымалдаған «ГАЗель» өртенді, деп хабарлады Қостанай облысының ТЖД
Мирное ауылынан 15 шақырым қашықтықта «Арқалық – Торғай» облыстық маңызы бар тасжолында «Газ 322131-288» маркалы автокөліктің өртенгені туралы хабарлама түскен.
«Iqanat» олимпиадасына қатысу үшін колонна құрамында 3 «ГАЗель» және 1 ПАЗ маркалы көлік болған. Олар 66 оқушыны, 3 еріктіні, 6 оқытушыны, 1 медицина қызметкерін және 1 инспекторды тасымалдаған. Полиция департаментінің 2 қызметкері оларды өз техникасымен бірге алып жүрген. Жүргізуші мен оқытушылардың үйлесімді әрекеттерінің арқасында 12 оқушы, 1 жүргізуші, 1 оқытушы жанып жатқан Газельден шығарылып, қалған 3 көлікке ауысып, колонна құрамында сапарын жалғастырды, – делінген хабарламада.
Балалардың өмірі мен денсаулығына еш қауіп төнбеген. Оқиға орнына Қостанай облысы ТЖД жеке құрамынан 2 техникамен 7 адам жұмылдырылды
