Мәжілістің жалпы отырысында «Қазақстанның кейбір заңнамалық актілеріне резервтегі қызмет мәселелері бойынша өзгерістер мен толықтырулар енгізу туралы» заң жобасы қаралды.
Ринат Зайытов,министрдің баласы, әкімнің баласы әскерде жүр дегенді естімегенмін. Соған байланысты, шенеуніктердің де балалары әскерге баруын міндеттеу қажеттігін алға тартты.
Осы ретте, Қорғаныс министрі Руслан Жақсылықов депутат ұсынған норманы енгізудің қажеті жоқтығын айтты.
«Патриоттық деген жария етілмейді. Бұрын Ішкі істер министрі болған Қалмұханбет Қасымов екі жиенін әскерге өзі алып келді. Бұрынғы сенатор Мұхтар Құл-Мұхаммедтің ұлы мектеп бітірген соң десанттық-шабуылдау әскерінде борышын өтеп, қазір АҚШ-тағы әскери училищенің курсанты болып отыр. Бұл үлгі емес пе? Министр мен депуттардың ұлдарын бөлетін норманың қажеті жоқ. Заң бәріне ортақ, тек оны кім қалай орындағаны маңызды», – деді министр.
