2035 жылға дейін Астананың аумағы кеңейеді. Сонымен қатар, алдағы 12 жылға арналған жоспары белгілі болды. Нақтырақ айтар болсақ, құрылыстың бірінші кезеңі – 2025 жыл; Болжамды кезең – 2035 жыл
Алғашқы жылы қаланың әкімшілік шекарасындағы халық саны – 1 миллион 184,4 мың адам. Елорда халқының болашақ саны ұлттық статистика агенттігінің әдістемесіне сәйкес, халықтың табиғи және көші-қон қозғалысының өзгерістерін ескере отырып, корреляциялық және регрессиялық талдау, жас ауыстыру әдістері, статистикалық экстраполяция және еңбек балансы бойынша іске асырылды. Халықтың болжамды саны еңбекке қабілетті халықты әлеуметтік-экономикалық қызметтің барлық салаларындағы қызметке оңтайлы қосуды ескере отырып, статистикалық экстраполяция арқылы анықталды, – делінген жобада.
Бас жоспарда әлеуметтік нысандардың құрылысы қарастырылған. Сонымен қатар, экономикалық, өндірістік, инновация, көлік инфрақұрылымын қамтиды.
