Ғылым және жоғары білім министрлігінің мәліметінше, ҰБТ 15 қаңтар мен 10 ақпан аралығында өтеді. Тестілеуге қатысушы, уақыты мен күнін өздері таңдаған.
ҰБТ барысында калькулятор, химиялық элементтердің периодтық жүйесі (Менделеев кестесі) және тұздардың ерігіштік кестесі компьютер экранында көрсетіледі. Тест тапсырушылар тестілеу аяқталғаннан кейін 30 минут ішінде апелляцияға өтініш бере алады. Сертификат апелляциялық комиссияның шешімінен кейін талапкердің жеке кабинетінде қолжетімді болады, – деді Ұлттық тестілеу орталығының директоры Руслан Емелбаев.
Айта кетейік, ҰБТ-дағы пәндердің саны өзгеріссіз. Бірақ, «Оқу сауаттылығы» мен «Математикалық сауаттылық» міндетті пәндерінен тапсырмалар саны 5 сұраққа қысқарады. Ал бейіндік пәндердің сұрақтар саны артып, 40 тест тапсырмасынан тұратын болады. Бейіндік пәндерде берілген тізімнен сәйкестікті анықтауға арналған 5 тапсырма қосылады.
