Атыраулық келіншек, “баламды беремін” деген желеумен бірнеше адамнан ақша алып, ізін суытқан.
“Олар әйелге 2,3 миллион теңге көлемінде ақша берген. Ақшасын алған келіншек, көп ұзамай ізін суытқан. Ал екінші сатып алушылар әйелдің шотына үнемі ақша аударып отырған. Артынша нәресте туған кезде келіншек баланы соларға табыстаған. Осылайша, жаңа туған нәрестелерін ақшаға сатып алған жұптардың ерлері баланың әкесі ретінде танылып, туу туралы куәлігіне өздерінің есімін жазған”, – делінген іс материалында.
Белгілі болғандай, жүкті келіншек ерлі-зайыптылармен сөз байласып, жаңа туған нәрестені бірден сатып жіберген. Екінші рет жүкті болған әйел бұл баласын да сатамын деп шешкен. Бірақ бұл жолы бірден екі баласын сатуға келіскен. Қазіргі таңда осы әрекеті үшін сотты болып, сегіз жылға бас бостандығынан айырылды. Сонымен қатар, баланы сатып алған ерлі-зайыптыларда шартты түрде жаза арқалады.
