Былтыр жаз айында ер адам кәмелетке толмаған қызымен Атырау-Ақтөбе бағытында қатынайтын пойызға билет алған. Пойызға кірген соң, лас вагонды көріп, бірден ауыстыруды сұраған.Өйткені, іші шаң, суы тот басқан екен. Алайда, жолаушылар пойызындығы жауаптылар оларды ауыстырудан бас тартқан.
Амалы қалмаған ер азамат көлік полициясының қызметкерлеріне шағым түсірген. Оқиға орнына келген мамандар, фактілерді тіркеп, арыз жаздырып алған. Расында, пойыздың іші лас екенін анықтаған.
“Ақтөбе облысының кәмелетке толмағандар жөніндегі мамандандырылған ауданаралық сотының биыл 12 наурыздағы шешімімен “Жолаушылар тасымалы” акционерлік қоғамынан екі жолаушының әрқайсысына 50 мың теңгеден моральдық шығын және 200 мың теңге өкілдік шығыс өндірілді”, – делінген хабарламада.
