Бұл туралы Денсаулық сақтау вице-министрі Тимур Сұлтанғазиев мәлімдеді. Сөзіне сенсек, әр емхананың онлайн жазылуға болатын өз жүйесі, ақпараттық қосымшалары, түрлі медициналық ақпараттық жүйелері бар. Сол арқылы, тіркеу бөлімі арқылы жазылуға болады дейді. Егер сіз аяқасты ауырсыну сезінсеңіз, бірден мамандардың көмегіне жүгінуге мүмкіндіктеріңіз бар.
“Мәселен, тіс ауырса, тіс дәрігеріне бару үшін жалпы тәжірибе дәрігеріне немесе дәрігерге барып жолдама алудың қажеті болмайды. Сіз тіс дәрігеріне тікелей бара аласыз. Мысалы, егер жарақаттанып қалса медициналық көмек алу үшін дереу травматологқа баруға болады. Яғни мұндай объективті жағдайларда ғана жалпы тәжірибелік дәрігердің жолдамасынсыз бейінді маманға баруға рұқсат етіледі”, – деді вице-министр.
