Бұл туралы Дина Таңсәрі әлеуметтік желідегі парақшасында хабарлады.
“Бізге үш жастағы қыздың анасы хабарласты. Ол, үш жастағы қызының зорланғанын жеткізді. Анасының айтуынша, қыз әкесінің туыстарына барған. Үйіне келгенде қызы туыс ағасының тиіскенін айтып шағымданған”,- дейді Дина.
Анасы дереу ауруханаға алып барса, баланың артқы ішек жолдарында 2 см сызат бар екені анықталған. Мұны білген ана, тез арада полицияға арыз берген. Бірақ күдікті ақша төлейді деп қорқып отыр. Оның айтуынша, ол бұған дейін полиция қызметкері болып, тіпті басшылық қызметте жұмыс атқарған екен. Оны ауылдағының бәрі біледі. Таныстары да көп дейді жәбірленуші. Оның үстіне, анасы тергеу амалдарына баруға қорқады, өйткені ол өз өмірі мен қызының өмірі үшін қорқып отыр. Қыз психологиялық зақым алған екен. Мұны психологта растаған көрінеді.
