193
Ағымдағы жылы көктемгі егіс және егін жинау жұмыстарына алғаш рет 5% жеңілдікпен 400 млрд теңге көлемінде қосымша қаражат бөлінген.
Шаруаларға берілетін несие «Кең дала-2» бағдарламасы бойынша бөлініп, «Аграрлық несие корпорациясы» АҚ филиалдары, несие серіктестіктері және екінші деңгейлі банктер арқылы іске асырылмақ. Жалпы егінді несиелендіруге барлығы 180 млрд теңге бөлінді.
Ауыл шаруашылығы тауар өндірушілері жылдық 5 пайыздық мөлшерлемемен несие ала алады. Несие мерзімі – 12 айға дейін.
Айта кетейік, шаруалардың өтініші 29 сәуірден бастап қабылдануда. Нәтижесінде 600-ден астам шаруа қожалығы жалпы сомасы 46,6 млрд теңгеге өтінім берді. Бұл 425 мың гектар егіс алқабын несиемен қамтуға мүмкіндік береді.
