Марқұмды біреулер өлтіріп, өзеннен ағызып жіберуі мүмкін дейді жақындары. Төрт баласы бар келіншек, үй саламын деп, екі жұмысты қатар алып жүрген көрінеді.
“Үйге 3 ағай келді. Оларды бірінші рет көрдім. Олар сағат 22:00-де кетті. Анамның өліміне кінәлі солар ма деп ойлаймын. Анаммен сөзге келіп қалғанын естідім. Ол өзіне қол салуы мүмкін емес. Өйткені анам бізді қатты жақсы көретін. Үй салатынын айтып, “бақытты өмір сүреміз” деп отыратын”, – деді марқұмның баласы.
Анасынан хабар болмаған соң, өздері сабылып іздеген. Алайда, еш хабар болмаған. Кейіннен келген хабар, суық жетті дейді туыстары.
Фото: Almaty.тv
Куәгерлердің айтуынша, азаматшаны соңғы рет дүкеннен көрген. Керек-жарағын сатып алып, сыртқа шыққан соң камера көзінен таса болған. Ал дүкен мен көпір арасындағы қараңғы көшеде не жағдай болғаны әзірге беймәлім екен. Қазіргі таңда, мәйітке сот медициналық сарапатама тағайындалды.
27 мамырда Талғар өзенінен бір әйел адамның мәйіті табылған. Сот-медициналық сараптама нәтижесі алынған соң, процессуалдық шешім қабылдаймыз. Осы факт бойынша куәгерлер болған. Бірге болған адамдармен Талғар ауданы полиция басқармасына жеткізілді. Тергеу амалдары жүргізілуде, – деді Талғар ауданы Полиция басқармасының бастығы Рүстем Жарықбасов.
