Қырғызстанның Ұлттық қауіпсіздік мемлекеттік комитеті қазақстандық кәсіпкер, Владимир Жұманбаевқа іздеу салады. Оған, ұйымдасқан қылмыстық тобын қаржыландырды деген айып тағылуда.
Фото: ҰҚМК
ҰҚМК мәліметінше, тергеу амалдары аясында қылмыстық жолмен алынған кірістерді заңдастыру фактісі бойынша тіркелген сотқа дейінгі іс жүргізу материалдарында Қазақстанның ірі бизнесмендерінің бірі Владимир Жұманбаевтың «Ағайындар ортасы» халықаралық қылмыстық тобының құрамына кірген «Заңдағы ұры» аталған Қ.Асанбектің ұйымдасқан қылмыстық тобының қызметін қаржыландыру фактілері анықталған. Яғни, Қырғыз Республикасының аумағында бірлескен бизнес жобаларды жүзеге асыру үшін қолдау және қамқорлық алу мақсатында Қ.Асанбекпен байланыс орнатқан делінген хабарламада.
Осыған байланысты, Бішкек қаласының Октябрь аудандық сотының қаулысымен В.Жұманбаевқа қатысты сырттай қамауға алу түріндегі бұлтартпау шарасы таңдалды.
