228
ҚР азаматының жаңа үлгідегі жеке куәлігі 15 маусымнан бастап қолданысқа енгізілді.
Құжатта жеке куәлік иесінің азаматтығы мен жынысы туралы деректер беріледі. Осыған дейін бұл ақпараттар чипте болатын. Сондай-ақ, жеке куәліктің жаңа дизайны бюджеттен шығын талап етпейді. Және азаматтардың жаңа құжаттарды шығару үшін төлейтін мемлекеттік баж мөлшеріне қатысы жоқ.
Дегенмен, жарамдылық мерзімі аяқталмаған жеке куәліктер бұдан әрі де жарамды болады. Демек, қазақстандықтар жаңа дизайнды жеке куәліктерінің алдыңғы мерзімі аяқталған кезде немесе оларды басқа да себептермен ауыстыру кезінде ғана ала алады. Яғни, бір мезгілде жаппай құжат ауыстыру болмайды.
Айта кетейік, 2024 жылы мемлекеттік баж мөлшері 738,4 теңге.
