Терроризмді насихаттады деген күдіктілер ұсталды. Бұл туралы Ұлттық қауіпсіздік комитеті хабарлады.
26 маусым күні Ұлттық қауіпсіздік комитеті прокуратура органдарының үйлестіруімен және ІІМ-мен өзара іс-қимыл жасай отырып, терроризмді насихаттады деген күдікпен еліміздің 4 азаматын ұстады.
Алдын ала деректер бойынша, фигуранттардың бірі ұзақ уақыт бойы шетелде тұрған. Және радикал діни идеологияға сол жерде тартылған болуы ықтимал. Оларды тінту барысында діни кітаптар тәркіленген.
“Тінту барысында діни әдебиеттер мен өзге де заттай дәлелдемелер алынды. Қылмыстық кодекстің 256-бабының 1 және 2-бөлігі бойынша соталды тергеп-тексеру жүргізіліп жатыр”, – делінген хбарламада.
Қылмыстық-процестік кодекстің 201-бабының 1-бөлігіне сәйкес өзге ақпарат жарияланбайды.
