191
Бұл ақпаратты ҚР Туризм және спорт министрілігі де растады. Алдын ала ақпарат бойынша, оның кенеттен жүрегі тоқтап қалған.
«Өкінішке қарай, Парижде Алматы қалалық спорт басқармасының басшысы Ерден Хайруллиннен айырылып қалдық. Оның кенеттен жүрегі тоқтап, қайтыс болды», – деді ҚР Туризм және спорт министрінің қоғаммен байланыс және БАҚ жөніндегі кеңесшісі Диас Ахметшәріп.
Естеріңізге сала кетейік, Ерден Рашидұлы Алматының спортын 2022 жылдың мамыр айынан бері басқарып келген. Оған дейін Алматы қаласы Алмалы ауданы әкімінің орынбасары болып қызмет еткен.
