255
Шымкентте ірі сауда орындарының бірі “Автонұр” базары өртенді. Оқиға орнына шұғыл жеткен өрт сөндірушілер тілсіз жауды ауыздықтауға тырысып, барын салғанымен жүйткіген жел де кедергі жасады.
Ал, саудагерлер болса, заттарын көшеге тасып, әбден әуреге түсті.
Шымкент қаласының өрт сөндірушілері Тұран ауданында орналасқан базардағы өртті ауыздықтады. Сағат 12-30-да қызыл жалын оқшауланды. Абырой болғанда, зардап шеккендер жоқ. Өрт сөндіруге ТЖД, ПД, ЖМКБ, ЖАО жеке құрамының 140-қа жуық адамы, 50 бірлік техникасы жұмылдырылды.
Қазіргі таңда, өрттің шығу салдары анықталуда.
