153
Жедел-іздестіру іс-шараларын жүргізу барысында павлодарлық жедел уәкілдер Toyota Land Cruser 200 маркалы автокөлігін өртеген және өртеуге тапсырыс берген адамды анықтады.
Күдікті, ақшалай сыйақы үшін осы қылмысты алдын ала жоспарлап, Алматы тұрғынына автокөлікті өртеуді ұсынған. Ол келісіп, тез тұтанатын сұйықтықты пайдалану арқылы арам ойын жүзеге асырған.
Қазіргі таңда, бұл факті бойынша іс қозғалды. Тергеу амалдары жүргізілуде.
— Бөтеннің мүлкін қасақана жою фактісі бойынша сотқа дейінгі тергеу жүргізілуде. Күдіктілер ұсталды, — деді Павлодар облысы ПД криминалдық полиция басқармасының бастығы Балғабай Қапаров.
