Шымкент қаласының ауданаралық қылмыстық сотында бұрынғы Әл-Фараби ауданы әкімі аппаратының басшысы Бақыт Мелдебековке қатысты іс қаралды.
Оған, өз қызметтік жағдайын пайдалана отырып, алдын ала сөз байласу арқылы ЖШС директоры Б. және құрылтайшысы К. бірге қылмыстық мақсатта әкімдіктің бюджет қаражатын жымқыруды көзделі деген айып тағылды.
Күдіктілер, тұрғын үй аулаларын абаттандыруға арналған сметалық құжаттарды (қоқыс жәшіктері, шағын беседкалар, орындықтар, ойын және жаттығу алаңдары) материалдардың құнын асыра отырып әзірлеу арқылы шамамен 700 млн теңге көлемінде сеніп тапсырылған мүлікті ысырап етті. Бұған қоса, сотталушылар декларацияларға әдейі бұрмаланған деректерді енгізу арқылы салық төлеуден жалтаруды ұйымдастырған. Нәтижесінде, мемлекетке 194 млн теңгеден астам зиян келтірді. Сонымен қатар, Мелдебеков, салық органдары алдындағы қарызын жасыру мақсатында 130 млн теңгеден астам сомаға банк кепілдігін жасау үшін банк фирмалық бланкін қолдан жасаған.
Осы фактілерді ескерген сот, экс аппарат басшысын 8 жылға түрме жапты. Және өмір бойына мемлекеттік қызметте лауазымдарды атқару құқығынан айырды.
Ал, сыбайласы ҚК-нің 385-бабының 3-бөлігі бойынша қылмыстық жауапкершіліктен ескіру мерзімінің өтуіне байланысты босатылды, қылмыстық іс бұл бөлікте тоқтатылды.
Айта кету керек, сотталушылар өз кінәларын мойындамай, оларды ақтауды сұрады. Сот үкімі күшіне енген жоқ.
