Әлеуметтік желіде, сенат төрағасының орынбасары Жақып Асановпен, «Хуторский» бандысының лидері аталып кеткен Хасанның арасында байланыс бар деген ақпарат тараған болатын.
Алайда, бұрынғы бас прокурор бұл қауесетті жоққа шығарды. Оның айтуынша, ешқандай Хасан есімді азаматты танымайды және көргенде емес.
«Мұның бәрі өтірік, жалған. Ол адамдарды танымаймын, білмеймін, көрген емеспін. Қазір әлеуметтік желіде жалған ақпарат көп. Оның бәрі тергеуге үлкен кедергі келтіріп отыр»,-деді сенат төрағасының орынбасары.
Айта кетейік, бұған дейін, Хутордың лидері делінген Хасан, өзін ешқандай бандылардың басшысы емеспін деп мәлімдеген. Ал, құзырлы орган өкілдері брифинг барысында, аталмыш қылмыстық топтың тіркелмегенін жеткізген.
Естеріңізге сала кетейік, Шерзаттың өліміне қатысты көптеген даулы мәселелер туындап кеткені рас. Қоғам көтеріліп, қылмыстық істің ашық тергелуін сұрап отыр.
