Өмірге бала әкелетін әйелдер, алдымен тексеруден өтуі қажет. Ол үшін, “Аналар саулығы” бағдарламасы қолға алынбақ. Бұл бағдарлама, ДСМ ана денсаулығы басқармасының басшысы Шәкизат Халықованың айтуы бойынша, 2025 жылдан бастап іске қосылады.
Жүктілікті жоспарлайтын әйелдер, жас қыздар мен жасөспірімдер ерекше бақылауда болады.
Қауіпсіз жүктілікті қамтамасыз ету үшін сауықтыру шаралары жүктілік басталғанға дейін гравидаралды даярлық түрінде жүргізіледі.
“Қауіпсіз жүктілікті қамтамасыз ету үшін жүктілікке дейін сауықтыру шараларын өткізу ұсынылады. Бұл жүктілікке дейінгі дайындық деп аталады. Кешен денсаулық жағдайын бағалауға және ерлі-зайыптыларды жүктілікке, дені сау бала тууға дайындауға бағытталған диагностикалық, профилактикалық және емдік шараларды қамтиды”, –деді Халықова.
Бүгінгі таңда біздің елде 10 миллионнан астам әйел тұрады, оның 4,7 миллионы фертилдік жастағы әйел.
