Жергілікті соттың мәліметінше, ер адам асхана пышағымен әйелінің арқасынан, санынан және кеуде тұсынан пышақтаған. Қылмыстық істі қарау барысында, сотталушы, осы әрекеті үшін өкінетінін жеткізген. Ал, әйелі де, жұбайын бас бостардығынан айырмауды сұраған.
Десе де, күдікті заң аясында кінәлі деп танылып, 15 жылға бас бостандығынан айырылды.
“Сотталушының кінәсі оның мойындауымен, жәбірленуші мен куәгерлердің айғақтарымен, сот-медициналық сараптама қорытындысымен және іс материалдарымен дәлелденді”, – делінген Маңғыстау облыстық сотының хабарламасында.
Естеріңізге сала кетейік, ағымдағы жылдың шілде айында, ер адам әйелін дүкен алдында бірнеше рет пышақтаған болатын. Тіпті, куәгерлерді қорқытып, қансырап жатқан әйелге ешкім көмектесе алмаған еді.
