85
Оқиға, Денвер әуежайында орын алған. Ресми мәліметтер бойынша, American Airlines ұшағының қозғалтқышынан ақау пайда болып, арты өртке ұласқан.
«Boeing 737 Колорадо-Спрингстен Техастағы Даллас-Форт-Уорт халықаралық әуежайына ұшқан болатын. Бірақ, экипаж “қозғалтқыштың дірілі” туралы хабарлағаннан кейін Денверге бағытын өзгертті»,-деп хабарлады АҚШ федералды авиация басқармасы (FAA)
Ұшақ бортында 172 жолаушы мен 6 экипаж мүшесі болған. Олар, үрмелі сырғанақ және баспалдақтың көмегімен эвакуацияланған.
Салдарынан, 12 адам жеңіл жарақатпен ауруханаға жеткізілген.
Оқиға орнынан түсірілген кадрлардан эвакуация кезінде кейбір жолаушылардың ұшақтың қанатында тұруға мәжбүр болғанын байқауға болады.
