Бас көлік прокуратурасының наразылығымен мүгедектердің құқықтарын шектейтін Жолаушыларды теміржол көлігімен тасымалдау туралы ережесінің 44-тармағының қолданылуы тоқтатылды деп хабарлады ҚР Бас Прокуратурасы.
Бұл тармақ мүгедек жандардан билет сатып алу кезінде осы құжатты ұсынғанына қарамастан, отырғызу кезінде мүгедектігі бар туралы анықтаманы қайта ұсынуды талап еткен.
Соның салдарынан көптеген жолаушылар поезға кіруден бас тарту алған, бұл дегеніміз олардың еркін жүріп-тұру конституциялық құқықтарын бұзуда.
Қазақстан Республикасының Конституциясында жүріп-тұру құқығы тек Заңмен шектелуі мүмкін екендігі айтылған, ал «Темір жол көлігі туралы» Заңда жолаушының өзімен бірге тек екі құжат болуы талап етілетіні белгіленген: жеке куәлік және билет.
Көлік прокуратурасы бұл нормаға наразылық білдірді және Қазақстан Республикасының Көлік министрлігі оны Тасымалдау ережелерінен шығару рәсімін бастады және бұл рәсім аяқталғанға дейін оның қолданылуы тоқтатылды.
Енді мүмкіндігі шектеулі жандар қосымша анықтаманың жоқтығынан отырғызу құқығынан бас тарту қаупінсіз теміржол көлігін пайдалана алады.
Сонымен қатар, прокуратураның наразылығына ұсынылған жауапқа сәйкес мүмкіндігі шектеулі жандар жақын арада ҚТЖ мен Еңбек және халықты әлеуметтік қорғау министрлігінің тиісті деректер базасын біріктіру аяқталғаннан кейін қосымша анықтаманы ұсынбай-ақ жол жүру құжаттарын сатып ала алады.
