Шымкент қаласында №11 мектептің 17 жастағы түлегі белгісіз жағдайда көз жұмды.
Қыз баланың денесі өз үйінен табылған. Алдын ала мәлімет бойынша, ол өз-өзіне қол салған болуы мүмкін. Қазір оқиғаға қатысты тергеу амалдары жүргізілуде.
Бейресми ақпараттарға сәйкес, марқұм оқуда қысым көрген болуы ықтимал. Сондай-ақ оның өмірлік жағдайы да ауыр болған. Ата-анасы қайтыс болған, ал ағасы бір жыл бұрын осыған ұқсас жағдайда қаза тапқан. Қыз әжесімен бірге тұрған, және оған жеткілікті көңіл мен қолдау жетіспеуі мүмкін деген болжам бар.
Шымкент қаласы әкімінің орынбасары Сарсен Құранбек бұл жағдайдың аса өзекті әрі күрделі мәселе екенін атап өтті.
– Алғашында жай ескерту болды, кейін сөгіс, артынша қатаң сөгіс. Бірақ мектеп басшылығы тиісті қорытынды жасамады, – деді ол.
Қазіргі уақытта қалада тәрбие жұмысына қатысты тәсілдер қайта қаралуда. Оқушылар арасында құқықбұзушылық көбейіп келе жатқанына байланысты бірнеше мектеп директорларын қызметінен босату мәселесі қаралуда.
