Қаржылық пирамида ісі бойынша сотталып, бас бостандығынан айырылған Мейірхан Шерниязов жаза мерзімін толық өтеп, отбасына оралды.
«Бұл – рақымшылық та емес, шартты түрде босату да емес. Жаза мерзімім аяқталған соң бостандыққа шықтым. Алдымен орталық СИЗО-да болдық, кейін Павлодарда, соңында Алматыда жазамды өтедім. Қазір отбасыммен бірге болуға мүмкіндік алдым, жағдайым жақсы», – деді ол.
Айта кетейік, 2022 жылдың 19 сәуірде Мейірхан Шерниязов пен Мейіржан Төребаев «Mudaraban Capital» қаржылық пирамидасына қатысты қылмыстық іс аясында қамауға алынған болатын. 2023 жылдың 23 маусымында қос актер қаржылық пирамида құрғаны үшін кінәлі деп танылып, бес жылға бас бостандығынан айырылған болатын.
Бірақ, Мейіржан Төребаев жазасын өтеуді жалғастырып жатыр.
