15
Жапонияда ерекше жаңа қызмет түрі пайда болды.
Яғни, әжелерді бір сағатқа жалға алу жүйесі жұмысын бастады. Бұл қызмет арқылы клиенттер үй шаруасына көмектесе алатын егде жастағы әйелдерді шақыра алады. Олардың атқаратын істеріне тамақ дайындау, бала қарау және тұрмыстық басқа да жұмыстар кіреді.
Қызмет құны сағатына шамамен 3 мың йеннен (шамамен 10 мың теңге) басталады.
Бұл жұмысқа 60 пен 94 жас аралығындағы жүздеген әйел тіркелген. Олар өмірлік тәжірибесі, білім-білігі және үй шаруасына бейімділігі бойынша арнайы іріктеуден өткен.
Ресми мәліметтерге сүйенсек, Жапонияда қазіргі уақытта 9 миллионнан астам зейнет жасындағы адам жұмыс істеп жүр.
