23
Алматыда Байзақов көшесі мен Бұқар жырау гүлзары қиылысында жерасты газ құбыры жарылып, екі адам жарақат алды.
Алғашқы мәліметтерге сәйкес, құбырды тексеру кезінде жарылыс орын алған. Қатты соққыдан жол жамылғысы опырылып, ағаш түбімен қопарылған. Оқиға кезінде жанында тұрған Toyota Land Cruiser көлігі жоғары көтеріліп, аударылып түскен.
Жарылыс салдарынан екі адам зардап шекті. Олар дереу ауруханаға жеткізілді. Науқастар дәрігерлердің бақылауында.
Оқиға орнында жауапты мамандар жұмыс істеуде. Апаттың нақты себептері анықталып жатыр. Аталған аймақ қоршауға алынып, қауіпсіздік шаралары күшейтілген.
Тиісті органдар, оқиғаға байланысты ресми мәлімет береді деп күтілуде.
