Қазақстан Республикасының Бас прокуратурасы кәмелетке толмаған баланың жыныстық тиіспеушілігіне қарсы қылмыс жасады деген күдікпен Қазақстан азаматын Ресей Федерациясынан экстрадициялады.
Тергеу мәліметтеріне сәйкес, күдікті 2024 жылдың қараша айында Қостанай облысында ата-анасымен таныс азамат, психикалық ауруы бар жасөспірімнің үйіне келген. Жәбірленушімен жалғыз қалған сәтте, оның жас ерекшелігі мен денсаулық жағдайын біле тұра, ер адам сексуалдық сипаттағы зорлық-зомбылық әрекеттерін жасаған.
Қылмыс жасағаннан кейін күдікті ел аумағынан қашып шығып, халықаралық іздеуге жарияланды. Ол өткен жылы Ресейдің Челябі облысында ұсталып, Қазақстан Бас прокуратурасының сұранысы негізінде елге экстрадицияланды.
Қазіргі таңда, күдікті тергеу изоляторына қамалды. Қылмыстық кодекске сәйкес, оның әрекеті үшін 15 жылдан 17 жылға дейін бас бостандығынан айыру, сондай-ақ өмір бойына белгілі бір лауазымдарды атқару немесе белгілі бір қызметпен айналысу құқығынан айыру жазасы қарастырылған
