«Қазақстан темір жолы» ҰК» АҚ Басқарма төрағасы Талғат Алдыбергенов Үкімет отырысында компанияның биылғы 7 айдағы қызметі туралы баяндады деп хабарлады ҚР Үкіметінің ресми телеграм арнасы.
Ол компания алға қойған негізгі міндеттерін орындау бойынша жүйелі жұмыстар жүргізуде екенін хабарлады. Мәселен, есепті кезеңде жүк айналымы 162 млрд ткм құрап, 177 млн тонна жүк тасымалданған.
Мұндағы өсімге Қытай мен Рессейге бағытталған экспорттық және транзиттік мүмкіндіктерді кеңейту есебінен қол жеткізілгені атап өтілді.
«Транзиттік тасымалда өсім 10%-ды құрап, 17 млн тонна жүк тасымалданды, оның ішінде контейнерлік тасымалдау 796 мың ЖФЭ. Табыс 1 трлн 512 млрд теңгеге дейін артты. Бұл қаржы, компанияға активін жаңартуға мүмкіндік береді»,- деп атап өтті Талғат Алдыбергенов.
