Алдағы екі жылда Қазақстанда дәрігер тағайындаған дәрілердің бәрі тегін болады

25 шілде, 18:00

​Бұл туралы ҚР Денсаулық сақтау министрі Елжан Біртанов брифинг кезінде айтты.

«Рецептуралық дәрі-дәрмек нарығы 300 млрд теңгеге жуықтайды. Бүгінге дейін біз соның үштен бірін ғана мемлекет есебінен жауып келдік. Балалар, онкология, туберкулез, психиатрия ауруларын ғана мемлекет өз мойнына алған болатын. Келесі жылы медициналық сақтандыру жүйесі толық енгізіледі. Сақтандырудан жинақталған ашқаның есебінен екі жылдың ішінде барлық емделушілерді рецептуралық дәрімен қамтамасыз ете аламыз. Бұл дәрігер рецептке жазған кез келген дәрі медициналық сақтандыру есебінен тегін беріледі деген сөз», - деді еліміздің бас дәрігері.

Министрдің сөзіне сенсек, тегін дәрімен қамту сала-сала бойынша жүргізілмек.

«Келесі жылдың 1 қаңтарынан бастап медициналық сақтандыру аясында балаларға тағайындалатын рецептуралық дәрінің бәрі тегін болады. Ары қарай бұл қатарды толықтыра береміз. Келесі кезекте әлеуметтік әлжуаз топтардың өкілдерін тегін рецептуралық дәрімен қамтимыз. Олар мемлекет есебінен медициналық сақтандырылғанын білесіздер. Бұл әлемде бар тәжірибе. Дәрігер дәрі тағайындайды, ал емделуші оны міндетті медициналық сақтандыру есебінен тегін алады», -деді Елжан Біртанов.

Сауалнама

Ақпараттың қандай түрі сіздің қызығушылығыңызды оятты?

Нәтиже