Бір үйір жылқыны қолды еткен барымташылар қолға түсті

17 маусым, 12:30

Түркістан облысының полицейлері 23 жылқыны жымқырған күдіктілерді құрықтады, деп хабарлайды ТО ПД баспасөз қызметіне сілтеме жасай отырып Elitar.kz.

Түлкібас АПБ-нің кезекші бөліміне жергілікті тұрғын арызданып, 30 бас жылқысын жайылымға қараусыз жіберіп, кешкісін жылқылар арасынан жалпы құны 4 миллион теңге тұратын 12 бас жылқылары келмей, жоғалып кеткенін көрсетеді.

Осы секілді мал ұрлықтары бойынша тағы 3 бірдей жәбірленуші де арызданады. Олар өз арызында жайылымда жүрген 11 бас жылқыларының жоғалып кеткенін көрсетеді. Жергілікті тұрғындарға жалпы құны 3 500 000 теңге шығын келген.

Полицейлері мал ұрлығын ҚР ҚК-нің 188-бабымен тіркеді. Аталған 4 мал ұрлығы, яғни, қылмыстық істер бойынша жедел-іздестіру шаралары жүргізіліп, нәтижесінде 3 адамнан тұратын қылмыстық топ құрықталды. Қазіргі уақытта күдіктілер қамауда, істеген қылмыстарын толық мойындады. Қылмыстық іс сотқа жолданды.





Сауалнама

Ақпараттың қандай түрі сіздің қызығушылығыңызды оятты?

Нәтиже