72
Маңғыстау облысы Мұнайлы ауданы, Басқұдық ауылында жеті адам газдан уланып қайтыс болды.
«Бір отбасы тұтастай уланды. Көмек көрсетуге келген құтқарушылар мен жедел жәрдем бригадасы оқиға орнынан жеті адамды тапты. Оның ішінде бес кәмелетке толмаған бала бар. Барлығы сол жерде көз жұмды», – делінген хабарламада.
Көз жұмған отбасы Өзбекстан азаматтары. Олардың, осында тұрғылықты мекен-жайы бар.
Қазіргі таңда, Маңғыстау облысы әкімінің бірінші орынбасары Ербол Ізбергеновтің бастамасымен арнайы комиссия құрылып, тексеру жұмыстары жүргізілуде.
Ал, төтеншеліктердің алдын ала болжамы бойынша, қайғылы оқиға газ жабдығын пайдалану ережесін бұзу салдарынан орын алған.
Алдағы уақытта нақты себептері белгілі болмақ.
