33
Абай облысының прокуратурасы пайдаланылмаған және заңсыз берілген жер учаскелерін анықтап, оларды мемлекет меншігіне қайтару жұмыстарын жалғастыруда.
Тексеру нәтижесінде 104 жер пайдаланушының жалпы ауданы 42 мың гектар болатын жер телімдерін заң талаптарына сай пайдаланбағаны анықталды. Бұл жерлердің кадастрлық құны 516 миллион теңгені құрайды деп хабарлады баспасөз қызметі.
Прокуратура қабылдаған шаралардың нәтижесінде аталған жерлер мемлекетке қайтарылды. Мемлекет басшысының 2024 жылғы 2 қыркүйектегі Жолдауына сәйкес, жергілікті атқарушы органдар бұл учаскелерді адал әрі тиімді пайдаланатын азаматтарға беруді қолға алды.
Жер ресурстарын тиімді игеру бағытындағы жұмыстар жалғасуда.
