20
Алматы облысында Талғар өзенінде суға батып кеткен баланың мәйіті табылды. Қайғылы жағдай, 24 маусым күні Талғар ауданында болған.
Қолдағы бар ақпаратқа сәйкес, әйел адам өзенге ағып бара жатқан баласын құтқармақ болып суға секірген. Алайда күшті ағыс екеуін де алып кеткен. Құтқару қызметінің мәліметінше, әйелдің денесі оқиға орнында сол күні табылған. Ал іздеу жұмыстарының нәтижесінде баланың мәйіті келесі күні табылды.
Қазіргі уақытта, оқиғаның мән-жайы анықталып жатыр. Төтенше жағдайлар қызметі тұрғындарды өзен-көлдерде қауіпсіздік шараларын қатаң сақтауға шақырады.
