21 млрд теңге жинаған қаржы пирамидасының ұйымдастырушысы қамауға алынды деп хабарлады ҚМА.
Қазақстанда 8 мыңнан астам салымшыны алдаған ірі қаржы пирамидасының ұйымдастырушысы ұсталды. Алаяқтар азаматтарға пайызсыз бөліп төлеу арқылы жылжымайтын мүлік пен көлік сатып алуды уәде еткен. Алайда бұл міндеттемелер толық орындалмаған, ал мүлік туыстары мен сенімді адамдардың атына рәсімделген.
Пирамида «Алло, не керек», «i-m@rketing», «Gold SapaPremium» сияқты ЖШС арқылы жүзеге асқан. Ұйымдастырушылар жалған шарттар жасап, 1,8 млрд теңгеден астам қаражатты қолма-қол ақшаға айналдырып, шетелге шығарған.
Қылмыстық кіріс есебінен сатып алынған пәтерлер, жеке үйлер мен қымбат көліктерге сот шешімімен тыйым салынды. Бас ұйымдастырушы қамауға алынып, тергеу жалғасуда.