Белгісіз тұлғалар өздерін ҚМА қызметкері ретінде таныстырып, азаматтарға олардың атына тіркелген “күдікті операциялар” туралы хабарлайды, “ресми өкілеттіктеріне” сілтеме жасап, қаражатты “қауіпсіз шоттарға” аударуға немесе жеке деректерін ашуға итермелейді.
«Алаяқтар көбінесе мынадай схема бойынша әрекет етеді: алдымен “Агенттік қызметкері” қоңырау шалып, кейін “Ұлттық банктің өкілі” ретінде тағы біреуі хабарласып, тәуекелдерді растағандай болады. Азаматтардың шағымдарында жиі кездесетін фамилиялар – “Жалымов”, “Жамалетдинов” және т.б. Деректерді беруден бас тартқан жағдайда, алаяқтар қорқытуға көшеді. Сондай-ақ, жалған мөрлер мен қолтаңбалар қойылған, “ҚМА қызметкерлерінің” атынан жіберілген жалған хаттар анықталды»,-деп жазылған мәлімдемеде.
Сондықтан, ҚМА алаяқтарға сенбеуге шақырады. Сондай-ақ, агенттік өкілдері жеке деректерді сұрамайды, ақша аударуды талап етпейді.
