Әуежайдың экс-басқарма төрағасы Ерғазы Жолдасов қызметінен босатылды. Оның орнына Юсуф Рашед Мохаммед Альджавдер тағайындалды.
Юсуф Альджавдердің авиация саласында 25 жылдан астам тәжірибесі бар екен. Ол Emirates, British Airways, Дубай және Абу-Даби халықаралық әуежайларында жоғары қызмет атқарған.
2023 жылдың қараша айында Астана қаласының әуежайы “Terminals Holding” (БАӘ) компаниясының сенімгерлік басқаруына берілді. Енді,
2024 жылғы 1 мамырдан бастап Инвестор жеке инвестициялар есебінен 20 жылдан астам уақыт бойы жаңартылмаған ұшу-қону жолағын күрделі жөндеуге кірісуді жоспарлап отыр.
Айта кетейік, бұл Астана халықаралық әуежайының ұшу-қону жолағында сағатына 20 ұшу және қону операциясын орындауға мүмкіндік бар. Ал жүк терминалының аумағы 3,3 мың шаршы метр. Сондықтан, әуежай жылына 11 мың тонна жүкті қабылдау және жөнелту жұмысын жүргізіп келеді.