Республика аумағында жүргізілген рейдтер барысында көші-қон заңнамасын бұзудың 7 мыңнан астам дерегі тіркелді.
Атап айтқанда:
2,5 мыңнан астам шетелдік елімізде болу мерзімін бұзған;
862 шетелдік рұқсатсыз еңбек қызметімен айналысқан;
499 жұмыс беруші шетелдік жұмыс күшін заңсыз тартқан;
3 мыңнан астам азамат шетелдіктердің өздерінде тұратыны туралы уәкілетті органдарға хабарламаған.
Барлық құқық бұзушылар жауапкершілікке тартылды. 678 шетелдік елден шығарылып, оларға 5 жылға Қазақстанға кіруге тыйым салынды.
Алғаш рет Мысыр азаматтарының заңсыз еңбек қызметі тіркелді – Қарағандыда құрылыс алаңында 14 азамат рұқсатсыз жұмыс істеген. Алматы облысының Жамбыл ауданында заңсыз алкоголь өндірісімен айналысқан Қытайдың 12 азаматы ұсталды.
Қарағанды облысында шетелдіктерді бірнеше рет заңсыз жұмысқа тарту дерегі бойынша 3 эпизод анықталып, ҚК 395-бабы бойынша қылмыстық іс қозғалды.
Алматы облысында үш ХҚКО қызметкері жалған құжаттар жасап, шетелдік жұмысшыларды заңдастырған. Бұл дерекке байланысты ҚК 394-бабы бойынша іс қозғалып, тергеу жүргізілуде.
