Оралда, клиенттердің сенімін пайдаланып, жиһаз үшін алдын ала төлем алған азаматтың қылмысы әшкере болды. ҚР Бас прокуратурасының мәліметіне сәйкес, осындай сарында жалған жер иелерінің алаяқтық фактілері жиілеп кеткен.
Күдікті, жалған цех ашып, интернетке жалған жарнама орналастырып, елді қызықтырған. Мұнан соң, адамдардың сеніміне кіріп, тапсырыс қабылдаған. Тіпті, үйлеріне барып жиһаздардың өлшемін алған.
Нәтижесінде 7 жәбірленушіге 8 633 000 теңге көлемінде материалдық шығын келтірген.
Сотта сотталушы, жәбірленушілермен азаматтық-құқықтық қарым-қатынастың бар екенін алға тартып, кінәсін мойындамады.
Алайда мемлекеттік айыптаушы сотталушының кінәсін толық дәлелдеді.
Кінәлі тұлға екі немесе одан да көп адамға қатысты ірі көлемде жасалған алаяқтық үшін 3 жыл және 6 айға бас бостандығынан айырылды.
