Медицина қызметкерлерін қорғайтын заң күшейтіледі. Яғни, дәрігерлерге шабуыл жасағандар 15 жылға дейін бас бостандығынан айырылуы мүмкін.
Қазақстанда медицина қызметкерлерінің қауіпсіздігін арттыру мақсатында қылмыстық жауапкершілік күшейтілмек. Жаңа заң жобасы биылғы күзде Парламент қарауына ұсынылады.
Заң жобасына сәйкес, енді дәрігерлерге күш қолданғандарға қатысты жаза мынадай болады:
🔹 Бір медицина қызметкеріне шабуыл жасаған жағдайда — 2 жылдан 7 жылға дейін;
🔹 Төтенше немесе әскери жағдай кезінде жасалған шабуыл үшін — 10 жылға дейін;
🔹 Бірнеше дәрігерге ұйымдасқан түрде күш көрсеткендер — 15 жылға дейін бас бостандығынан айырылуы мүмкін.
Бұл бастама медицина саласындағы қызметкерлердің еңбек қауіпсіздігін қамтамасыз етуге және оларға деген құрметті арттыруға бағытталған.
