90
Еліміздің барлық аумақтарында су басу қаупін азайту және халықтың қауіпсіздігін қамтамасыз ету мақсатында су тасқынына қарсы белсенді іс-шаралар жалғасуда. Әр түрлі өңірлерде мұз қабатын босатуға, өзендердің жағалауын нығайтуға, сондай-ақ қар шығару мен су соруға бағытталған кешенді жұмыстар жүргізілуде деп хабарлады ТЖМ.
Биылғы жылдың 1 наурызынан бастап ТЖМ, жергілікті атқарушы органдар мен басқа да ұйымдардың күшімен 1,9 миллионнан астам текше метр су сорылып, 400 мыңнан астам қапшық және 20 мың тонна инертті материал төселді. Іс-шаралар аясында 808 мыңнан астам метр су бұру арықтары тазартылды.
