327
Алматыда «Жетісу» базары аумағында жолаушылар көлігі отқа оранды. Оның видеосы әлеуметтік желілерде пайда болды. Қалалық Төтенше жағдайлар департаментіндегілер өртке қатысты пікір білдірді.
Төтеншеліктердің мәліметінше, оқиға 3 сәуірде түнгі сағат 23:10-да болған. «Қайрат» шағынауданы, 181/2 мекенжайындағы үйдің маңында №125-інші бағытта қатынайтын «Лиаз-529265» маркалы автобус өртенген.
Қызыл жалын сағат 23:22-де толық ауыздықталды. Қазіргі таңда өрттің шығу себебі анықталып жатыр.
